Guritku Gurit Pamuji Setya Amrih Prasaja

Sungegurit lumantar tutur kang prasaja

Nembah suci wiwaraning ati kang kaèksi

Basa tutur kang rinacik ing nguni

Wulangrèh kang dèn memetri

Ana pocapané mangkéné ;

Pitutur bener iku,

Sayektiné iku pantes sira gugu

Nadyan metu saking wong sudra papa

Lamun ta becik wulang wuruké

Iku pantes dadi pituduh lakunira

Aja ambek adigang, adigung, adiguna kang dèn reksa

Nora wurung mung kacilakan kang bakalé nemahi

Ana manèh Centhini kang muwus kalaning tidha

Amenangi jaman édan,

Ewuhaya ing pambudi,

Mèlu ngédan ora tahan,

Ora mélu ngédan, ora keduman

Ndilalah kersaning Allah

Begja begjané wong kang lali

Luwih begja wong kang éling lan waspada

Niat ingsun nggurit basa kang katula katula

Yèn ta ala singgahana,

Yèn ana prayogané, kebat lakonana

Donga dinonga muga antuk sihing Gusti

Jaya jaya wijayanti,……..

Suradira jayaningrat lebur déning pangastuti.

~ Selamat jalan Mama Laurens… Selamat jalan Mbah Gesang, kami bangga pada kalian. Rahayu sagung dumadi~

Para Pandu Bhumi turut berduka cita

Comments are closed.

%d blogger menyukai ini: